Сето она што досега сум го направила и достигнала е резултат на мојот труд и искуство за понатамошна работа. Сите дипломи, благодарници, признанија и сертификати кои сум ги добила ми се значајни, бидејќи ги добив како резултат на вложениот труд, работа и посветеност. Сето она што сум го научила сакам да го пренесам на другите и со тоа да им помогнам да успеат. 

Се сметам за човек полн со идеи и смисла за дизајн па затоа својата иднина ја гледам во маркетингот (рекламата го продава производот) и графичкиот дизајн (како спој на моите три омилени нешта: дизајн, математика, информатика). 

Најголемиот сон ми е да создадам своја маркетинг компанија во која ќе работат врвни маркетинг менаџери и дизајнери - компанија која ќе го освои пазарот не само во државата туку и во светот. Но, тоа е еден голем сон. На чекор пред него би сакала да бидам вработена како главен маркетинг менаџер во најголемата компанија во државата и неа да ја претставам на целиот свет.